EXPOSICIÓN DE MOTIVOS

Procédese a adapta-los Estatutos da Asociación denominada “GRUPO DE ACCIÓN ECOLOXISTA OUTEIRO”, con número 364 no Rexistro Provincial de Asociacións sen ánimo de lucro de Ourense, e C.I.F. G-32.014.987.

A Asociación rexerase polos presentes Estatutos, polo disposto na Lei Orgánica 1/2002 de 22 de Marzo de 2002, reguladora do Dereito de Asociación, e pola lexislación existente en materia de Asociacións que lle poida se aplicada. En cumprimento do articulado da devandita norma legal procedese a adapta-los Estatutos do “Grupo de Acción Ecoloxista Outeiro” co fin de que teñan concordancia coa referida Lei e para que os membros desta asociación teñan un abeiro de convivencia e relación nos amentados Estatutos e Lei.

A tal finalidade e previa votación na Xunta Xeral Extraordinaria convocada a tal efecto, procédese a adapta-los Estatutos de 02 de abril de 1984 e apróbanse os presentes, segundo o articulado que figura a continuación:

CAPÍTULO I DA ASOCIACIÓN EN XERAL

Artigo 1º.- Esta asociación desenvolverá as súas actividades coa denominación de “Grupo de Acción Ecoloxista OUTEIRO”, dentro do marco legal da Constitución Española, da Lei Orgánica 1/2002 e demais normas legais concordantes, considerándose nula calquera norma, articulo contido nos estatutos ou regulamento interno, que sexa contrario ó ordenamento xurídico ou ós principios democráticos da lexislación española.

Artigo 2º.- O domicilio Social do ”Grupo de Acción Ecoloxista OUTEIRO”, estará lo lugar de Mouriz-Seoane (detrás da Mancomunidade de Concellos da Comarca do Carballiño), no concello de O Carballiño, provincia de Ourense e con teléfonos números 988-53.00.08 ou 988-27.41.94.

Artigo 3º.- O ”Grupo de Acción Ecoloxista OUTEIRO”, en función dos seus fins e da situación do seu domicilio social, exercerá fundamentalmente as súas actividades no ámbito territorial da Comunidade Galega.

Artigo 4º.- Esta asociación está constituída por tempo indefinido e só se disolverá, conforme a estes Estatutos, pola vontade dos asociados expresada en Asemblea Xeral Extraordinaria ou polas causas previstas na lexislación vixente.

Artigo 5º.- É fin principal do ”Grupo de Acción Ecoloxista OUTEIRO”, a tendencia a promover obxectivos de interese xeral, de carácter cívico, científico e cultural a favor do estudio, protección e conservación do medio ambiente natural; o fomento e divulgación de alternativas baseadas no desenvolvemento da biodiversidade, empregando para tal fin os medios técnicos, científicos e legais que estean ó seu alcance e tamén: A creación e mantemento de grupos de traballo destinados a vixía e conservacióndo entorno natural en tódalas súas facetas e aberto a tódalas correntes culturais enriquecedoras. A organización de toda clase de actos sociais, culturais, concursos,certames, convocatorias e exposicións relacionados co fin principal da asociación ou coa súa promoción. A fomenta-la creación e funcionamento das seccións que se consideren necesarias, inclusive cine, vídeo e grafismo, tanto na súa vertente gráfica como dixital ou en calquera outro soporte que no futuro poida aparecer, asemade o equipamento técnico e medios de transporte adecuados, encamiñadas a potenciar os estudios e difusión da conservación da biodiversidade. A creación de un fondo documental composto por pezas de flora e fauna, asemade de outro de tipo gráfico, así como biblioteca, cinemateca e videoteca en calquera dos soportes audio-visuais que permita a técnica. Á organización de actividades relacionadas co medio ambiente,inclusive vixilancia e conservación do entorno natural, dentro do seno da asociación e outras abertas á participación pública, así como calquera outra manifestación didáctica, cultural e legal que axude ou ampare os fins anteriormente relacionados. A creación, mantemento e selección de servicios a animais domésticos,tanto por iniciativa propia como en colaboración con particulares, outras entidades privadas ou organismos oficiais. O fomento dos fins que con carácter xeral se expoñen no apartado terceiro no artigo 31 da Lei Orgánica 1/2002. Os anteriores fins se considerarán acordes co principio de total soberanía de cada integrante sobre as súas propias actividades e os obxectivos programáticos do grupo serán fixados polos seus membros en proceso de libre discusión, dándose prioridade as necesidades que se revelen como máis urxentes e xeneralizadas. Esta organización non está en contra do progreso e a industria sempre que se desenvolvan en harmonía e consonancia ca natureza.

Artigo 6º.- ”Grupo de Acción Ecoloxista OUTEIRO”, naceu cun carácter non lucrativo e continuará a desenvolverse co mesmo fin. Como asociación sen ánimo de lucro destinaranse ós devanditos fins polo menos o setenta por cento das rendas netas e outros ingresos que se obteñan por calquera concepto exceptuándose as apartacións efectuadas en concepto de dotación patrimonial. Os asociados e familiares non serán os principais destinatarios das actividades realizadas pola Asociación.

Artigo 7º.- O ”Grupo de Acción Ecoloxista OUTEIRO”, poderá constituír ou formar parte de federacións, confederacións ou unións con outras agrupacións que teñan ou poidan ter os mesmos ou parellos fins, previo cumprimento dos requisitos esixidos, con acordo expreso dos seus órganos competentes, non implicando tal unión ou colaboración o recoñecemento da súa ideoloxía ou estatutos.